《6年後的紐西蘭遊記》
久別紐西蘭，再度一人重遊，但係正式多咗一個新嘅興趣 - 露營。之前紐西蘭生活時最多都係road trip，行行山玩玩水，亦都未有攝影呢個技能，番到嚟香港住之後，特別係經營Nothingblue後成日都有少少可惜後悔嘅感覺 “如果個時我識影相就好” “如果個時我行多d NZ嘅trails同露營就好” 所以今次帶住少少彌補嘅感覺獨遊紐西蘭，希望可以帶多d野番嚟香港。
題外話：紐西蘭係一個好奇幻嘅地方，想講起紐西蘭嘅時候10個有9個人都潛意識會誤講係澳洲，‘啊 澳洲好冇玩啊’ ‘澳洲讀完書番嚟？’ ‘澳洲凍唔凍’等，唔知有無人有同感？
題外話2，帶露營用品或行山鞋入境記住申報，因為要保護紐西蘭土壤等原因，如果唔係會罰錢
講番New Zealand，係一個港人旅遊相對無咁熱門嘅地方，可能遠又相對貴d或者無咁多城市野。New Zealand係一個重視自然及環保嘅國家，禁膠、回收、自然保育、可持續發展等都係佢地至今仍然有不少美麗自然風景嘅原因。
而紐西蘭主要分為北島及南島，南島相對較多自然景觀及山徑，亦係我第二個故鄉，所以我整整十日都係環繞整個南島自駕遊，駕駛咗差不多1600至2000km。
12小時嘅飛行，嚟到Christchurch，下機後馬上拎車就出發駕駛3個多小時去下一個鎮Dunedin，停留數天同親友見個面就出發去主要目的地 - Queenstown。
Queenstown 係一個旅遊重鎮，因為其附近嘅國家公園，大量山徑山脈湖河冰川等，基本上去行山一定會由Queenstown出發，而其中一日我都安排咗登上Ben lomond track經Tiki trail（可乘搭纜車唔行tiki trail)，全程連tiki trail差不多1600m 爬升，return約6小時+tiki trail 1小時， 路徑不算難行，但仍需要一定體力，接近山峰區域亦有積雪滑冰面等位置。但整體風景優美，如果大家喺Queenstown 有多一日空閒時間可以一戰。
出咗《6年後的紐西蘭遊記》上篇，不少朋友客人亦問幾時出下篇，亦有不少有類近回憶嘅朋友分享番佢嘅旅程比我聽... 本來打算只係出圖片，但圖片略欠溫度，所以第二篇遊記除咗相片外，剪咗一條短片比未去過嘅大家感受一吓紐西蘭大自然嘅寧靜，以及獨遊的感覺；去過嘅朋友就可以回憶吓往事！ 上回講到Queenstown行咗Ben Lomond summit，整日登山約7小時都只係見到約十數人，主要因為大約4月份-9月份都係紐西蘭雪季，為登山淡季，大部分山峰都係有雪且處於不建議新手登山嘅Condition，每座山峰嘅基本資料亦可以到Department of Conservation 官網睇，有無危險，評估等。上次講到行Ben Lomond Track前要先行另一條Trail（Tiki Trail) 或者比NZD 40坐纜車上到去Ben Lomond Track入口，當然我就行上去，熱吓身同埋Tiki Trail係一條好有森林Feel嘅小徑，慢走影下相大約一小時就上到頂到達Ben Lomond Track入口。 溶雪中嘅Condition會令大部分中下遊路徑都變成泥路，而中上遊以上都係雪徑夾雜泥石路，幸好著咗防水高筒筒行山鞋，登山途中亦見到好多冰爪都無，滑住上山落山，仆街嘅人。不過始終Ben Lomond都係非難度高嘅山，亦只有少許攀爬，並十分近主鎮，車程只有5分鐘，所以有不少新手一家大細都會嚟行。山頂風景亦都十分廣寛美麗。喺登頂前會有一個Saddle，即係片頭我坐喺到嘅位置，可以比大家登頂前，做個最後評估並小休，睇吓天氣同埋身體狀況如何再決定上唔上山峰。Saddle上到山頂約一小時，上到山頂可以飽覽附近山峰同埋湖泊。而我登頂嘅時候亦只有我一人獨享山頂美景，坐咗一陣，影咗幾張相，就趁開始有少少入夜時下山了。落山快一倍，不到2小時就落山到入口，啱啱好全黑前到山腳，再偷懶Skip tiki trail 坐纜車落山。
當然Queenstown附近有好多大大小小嘅山峰行山徑，2-3小時車程更有另一個景點Milford Sound，亦係原本我計劃行程之一，不過因天氣同埋時間不許可額外兩日去Visit，所以下次！緊接住就去咗Moke Lake，又係一個景色十分美嘅地方，並喺Peak Ben Lomond嘅山腳位置，山頂都見得到個湖。Moke Lake亦都係今次旅程入面我去嘅其中一個Camp嘅地方，係一個官方營地，喺入口自動自覺放低NZD15蚊入場費，用作資助保護New Zealand環境用（無銀仔無人找錢所以放低咗NZD20）（同埋記得留意告示牌，禁航拍等） 。Moke Lake喺一個好大嘅湖，附近亦有一條Moke Lake Trail約2小時嘅Loop Track，不過今次我就無行，
Queenstown後我再出發到Wanaka，約一小時車程，去會合住在New Zealand的友人。Wanaka 係一個旅遊小鎮，主要去嘅人都係為咗滑雪，度假等，近十幾年發展得好快，友人話主要係因為太多人去Queenstown，飽和哂唔夠位，所以連帶發展埋鄰近嘅Wanaka。Wanaka多年前去過一次，今次重遊舊地，去咗登Roys Peak，一座不太高嘅山 - 1578m，但係一座我擺咗Watchlist好耐嘅一座山。Roys Peak 大部分都係易行嘅寛路徑，只不過8月份比我預期中嘅雪量少十分多，只剩番少量，友人亦有講到最近幾年嘅滑雪場雪量亦嚴重不足，可能係受暖化影響。而大部分紐西蘭嘅山徑都係屬於私人土場，多數都不收費，但要注意唔可以周圍行非指定路線同埋Camp，因為周邊亦有不少牛羊等動物，屬於地主嘅私人財產。（Roys Peak係一條會收取 $2紐幣嘅路徑（自己入箱）。）˘˘
Stay咗一日喺Wanaka，之後就駛車離開，路經Mt Cook （下次再行）/ Tekapo，再去番Christchurch搭機番香港。
題外話1: New Zealand雪季揸車最好配備雪鏈，而進入山區範圍亦記得Check吓有無封路情況，冬季常常因為積雪等情況而封路，郁d都封半日。
題外話2: New Zealand揸車會好眼訓，特別係夜晚，因為路大路長，大Town同大Town之間通常都有3個鐘車程距離，雖然路邊嘅線條會有凸起物，當你揸車偏離正軌個時會因為車軚駛過凸起物會出警示聲去Alert你，但記得最好出發前飲杯Coffee或者見攰停低路旁小休。
題外話3: 紐西蘭嘅露營鋪唔係好多野買同無乜靚野，嚟嚟去去都係Kathmandu / Macpac / mountain warehouse.. 出發前最好買定裝備
題外話4: 唔好破壞紐西蘭嘅大自然
題外話：紐西蘭係一個好奇幻嘅地方，想講起紐西蘭嘅時候10個有9個人都潛意識會誤講係澳洲，‘啊 澳洲好冇玩啊’ ‘澳洲讀完書番嚟？’ ‘澳洲凍唔凍’等，唔知有無人有同感？
題外話2，帶露營用品或行山鞋入境記住申報，因為要保護紐西蘭土壤等原因，如果唔係會罰錢
講番New Zealand，係一個港人旅遊相對無咁熱門嘅地方，可能遠又相對貴d或者無咁多城市野。New Zealand係一個重視自然及環保嘅國家，禁膠、回收、自然保育、可持續發展等都係佢地至今仍然有不少美麗自然風景嘅原因。
而紐西蘭主要分為北島及南島，南島相對較多自然景觀及山徑，亦係我第二個故鄉，所以我整整十日都係環繞整個南島自駕遊，駕駛咗差不多1600至2000km。
12小時嘅飛行，嚟到Christchurch，下機後馬上拎車就出發駕駛3個多小時去下一個鎮Dunedin，停留數天同親友見個面就出發去主要目的地 - Queenstown。
Queenstown 係一個旅遊重鎮，因為其附近嘅國家公園，大量山徑山脈湖河冰川等，基本上去行山一定會由Queenstown出發，而其中一日我都安排咗登上Ben lomond track經Tiki trail（可乘搭纜車唔行tiki trail)，全程連tiki trail差不多1600m 爬升，return約6小時+tiki trail 1小時， 路徑不算難行，但仍需要一定體力，接近山峰區域亦有積雪滑冰面等位置。但整體風景優美，如果大家喺Queenstown 有多一日空閒時間可以一戰。
出咗《6年後的紐西蘭遊記》上篇，不少朋友客人亦問幾時出下篇，亦有不少有類近回憶嘅朋友分享番佢嘅旅程比我聽... 本來打算只係出圖片，但圖片略欠溫度，所以第二篇遊記除咗相片外，剪咗一條短片比未去過嘅大家感受一吓紐西蘭大自然嘅寧靜，以及獨遊的感覺；去過嘅朋友就可以回憶吓往事！ 上回講到Queenstown行咗Ben Lomond summit，整日登山約7小時都只係見到約十數人，主要因為大約4月份-9月份都係紐西蘭雪季，為登山淡季，大部分山峰都係有雪且處於不建議新手登山嘅Condition，每座山峰嘅基本資料亦可以到Department of Conservation 官網睇，有無危險，評估等。上次講到行Ben Lomond Track前要先行另一條Trail（Tiki Trail) 或者比NZD 40坐纜車上到去Ben Lomond Track入口，當然我就行上去，熱吓身同埋Tiki Trail係一條好有森林Feel嘅小徑，慢走影下相大約一小時就上到頂到達Ben Lomond Track入口。 溶雪中嘅Condition會令大部分中下遊路徑都變成泥路，而中上遊以上都係雪徑夾雜泥石路，幸好著咗防水高筒筒行山鞋，登山途中亦見到好多冰爪都無，滑住上山落山，仆街嘅人。不過始終Ben Lomond都係非難度高嘅山，亦只有少許攀爬，並十分近主鎮，車程只有5分鐘，所以有不少新手一家大細都會嚟行。山頂風景亦都十分廣寛美麗。喺登頂前會有一個Saddle，即係片頭我坐喺到嘅位置，可以比大家登頂前，做個最後評估並小休，睇吓天氣同埋身體狀況如何再決定上唔上山峰。Saddle上到山頂約一小時，上到山頂可以飽覽附近山峰同埋湖泊。而我登頂嘅時候亦只有我一人獨享山頂美景，坐咗一陣，影咗幾張相，就趁開始有少少入夜時下山了。落山快一倍，不到2小時就落山到入口，啱啱好全黑前到山腳，再偷懶Skip tiki trail 坐纜車落山。
當然Queenstown附近有好多大大小小嘅山峰行山徑，2-3小時車程更有另一個景點Milford Sound，亦係原本我計劃行程之一，不過因天氣同埋時間不許可額外兩日去Visit，所以下次！緊接住就去咗Moke Lake，又係一個景色十分美嘅地方，並喺Peak Ben Lomond嘅山腳位置，山頂都見得到個湖。Moke Lake亦都係今次旅程入面我去嘅其中一個Camp嘅地方，係一個官方營地，喺入口自動自覺放低NZD15蚊入場費，用作資助保護New Zealand環境用（無銀仔無人找錢所以放低咗NZD20）（同埋記得留意告示牌，禁航拍等） 。Moke Lake喺一個好大嘅湖，附近亦有一條Moke Lake Trail約2小時嘅Loop Track，不過今次我就無行，
Queenstown後我再出發到Wanaka，約一小時車程，去會合住在New Zealand的友人。Wanaka 係一個旅遊小鎮，主要去嘅人都係為咗滑雪，度假等，近十幾年發展得好快，友人話主要係因為太多人去Queenstown，飽和哂唔夠位，所以連帶發展埋鄰近嘅Wanaka。Wanaka多年前去過一次，今次重遊舊地，去咗登Roys Peak，一座不太高嘅山 - 1578m，但係一座我擺咗Watchlist好耐嘅一座山。Roys Peak 大部分都係易行嘅寛路徑，只不過8月份比我預期中嘅雪量少十分多，只剩番少量，友人亦有講到最近幾年嘅滑雪場雪量亦嚴重不足，可能係受暖化影響。而大部分紐西蘭嘅山徑都係屬於私人土場，多數都不收費，但要注意唔可以周圍行非指定路線同埋Camp，因為周邊亦有不少牛羊等動物，屬於地主嘅私人財產。（Roys Peak係一條會收取 $2紐幣嘅路徑（自己入箱）。）˘˘
Stay咗一日喺Wanaka，之後就駛車離開，路經Mt Cook （下次再行）/ Tekapo，再去番Christchurch搭機番香港。
題外話1: New Zealand雪季揸車最好配備雪鏈，而進入山區範圍亦記得Check吓有無封路情況，冬季常常因為積雪等情況而封路，郁d都封半日。
題外話2: New Zealand揸車會好眼訓，特別係夜晚，因為路大路長，大Town同大Town之間通常都有3個鐘車程距離，雖然路邊嘅線條會有凸起物，當你揸車偏離正軌個時會因為車軚駛過凸起物會出警示聲去Alert你，但記得最好出發前飲杯Coffee或者見攰停低路旁小休。
題外話3: 紐西蘭嘅露營鋪唔係好多野買同無乜靚野，嚟嚟去去都係Kathmandu / Macpac / mountain warehouse.. 出發前最好買定裝備
題外話4: 唔好破壞紐西蘭嘅大自然